par Kuri uyu wa mbere igenekerezo rya 30 gitugutu 2023, Ubushikiranganji bwo Gushigikirana, Imibano, Agateka ka Zina Muntu n’Iterambere Ridakumira bwaratanze amabati igihumbi n’amajana atatu na mirongo itatu n’atatu ku miryango mirongo itanu n’icenda ifise amikoro make yo ku mutumba Murambi, komine n’intara ya Muramvya.
Pérose MINANI, Umuyobozi muri ubwo bushikiraganji ajejwe gusubiza mu ngo abaziteshejwe biturutse ku mvo zitandukanye akaba ariwe yashikirije ayo mabati ari kumwe n’umuhanuzi wa Buramatari ajejwe imibano hamwe n’Umuyobozi ajejwe Iterembere ry’Ingo n’Imibano muri iyo ntara.
Abahawe amabati basabwe kuyabungabunga na cane cane ko atawoyagurisha, uwuzobikora nawe ko azobihanirwa bikomeye. Barasabwe kandi gukura amaboko mu mpuzu mu kubandanya ibikorwa vyo kwiteza imbere.
